போன தபா பதிவு இன்னாவோ ரொம்ப சின்னது தான் , ஆனா
கமண்ட்டு மட்டும் சூடா கீது பா !! யாரு அந்த உண்மை விளம்பி
இன்னு தெரில , செரி நாம தெரிஞ்சிக்கவும் வாணாம் !!
நானும் இன்னாவோ கோவத்துல , திட்டி உட்டுட்டேன் பா !!
அப்பால தான் , ரோசன பண்ணி பாத்தேன் ,
இது ஒரு பொது ஊடகம் , அவரு கருத்து நானு எழத வாணாம்
இன்னு சொல்றது , அதுக்கு போய் நாம கோச்சிக்கலாமா ? என்
கோவம் இன்னான்னா இதுக்கு தானே ஒட்டு போட்டி கீது அதுல
எத்தினி தபா ஒனும்னாலும் குத்து ,
( ஐய்யா , அதுக்காவது அடிக்கடி வரணும் இல்லை , ஒரே பொட்டில
குத்த முடியாது ) செரி , டவுசருக்கு இன்னா , தமிழே தெரியாதா ?
இன்னு கேக்கறீங்களா ?
நா கூட இஸ்கூலுக்கு எல்லாம் மின்ன போய்க்கீனு தாம்பா இருந்தேன் !!
அப்ப கொஞ்சம் தமிழ் தெரியும் , ( இப்ப நானு இன்னாவோ , உகாண்டா
பாஷைல பேசறா மேரி ) இன்னா இருந்தாலும் ,
நம்ப ஏரியா தமிழு தாம்பா !! புடிக்கும் !
எனுக்கு தெரிஞ்ச தமிழுல நானு எழ்தன ஒரு கவிதைய உங்களுக்கு
பதிவிடுறேம்பா !! ( யார ஏமாத்துற இது கவிதையா ? )
( ஐ நமக்கு கவிதை கூட வருமா ? )
இது நால்லா கீதா இல்லையான்னு !! இன்னு நீங்க தான்
சொல்லணும் !!
அந்த நாட்கள்
கடந்த கால நினைவுப்
பக்கத்தை புரட்டும் போது,
நிறைய பக்கங்கள்
பழுதடைந்துள்ளன - ஆனால்
அழிந்து விடவில்லை ,
அழியாத பக்கங்களின்
தலைப்பினில் வாசம்
வீசிக்கொண்டிருக்கும் - நம்
நினைவுகளின் எச்சம்
நினைவுச் செல்களை
புரட்டிப் பார்க்கையில்
உஷ்ணமாய் - சுடும்
நிகழ்கால நிஜங்கள் ,
ஆறாத ரணங்கள்
எத்தனை வலித்தாலும்
அதிலும் ஒரு சுகம்
இருக்கத்தான் செய்கிறது ,
மன்னித்து விடு புத்தகத்தை
அழிப்பதற்காக, - அதுவும் ?
களவு போகாமல்
இருக்கத்தான் ,
என்ன செய்ய ?
நினைவுப் பக்கத்தை
தோண்டிப் பார்க்கும்
ரத்த நாளங்களை,
வெட்டி எறிந்து
விடவா முடியும் ?
இதை நானு போன வருஷம் எழதிக் கீச்செம்பா !! புட்ச்சா
உங்க கருத்த ரவ சொல்லுங்க தல !!
புடிக்கலன்னாலும் சொல்லுங்க தல !!
